काठमाडौँ। नेपाली बजारमा आज सुनचाँदीको भाउ बढेको छ।

नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा १ हजार ६ सय रुपैयाँले बढेर ९८ हजार २ सय रुपैयाँ कायम भएको छ। आइतबार छापावाला सुन तोलामा ९६ हजार ६ सय रुपैयाँमा कारोबार भएको थियो।

यस्तै तेजावी सुनको भाउ तोलाको ९७ हजार ७ सय रुपैयाँ कायम भएको छ।

यसैगरी आज चाँदीको मूल्य पनि बढेको छ। चाँदी आज तोलामा ४५ रुपैयाँले बढेर एक हजार ३४० रुपैयाँ कायम भएको महासंघले जनाएको छ ।