काठमाडौँ। अभिनेता पल शाह आइतबार प्रहरी सामु उपस्थित हुने भएका छन्। उनले सामाजिक सञ्जालबाट आफू प्रहरीसमक्ष उपस्थित हुन लागेको जानकारी दिएका हुन्। उनले आफ्नो घर व्यवहार मिलाउनु पर्ने र गत शुक्रबारदेखि नेपालभर प्रदर्शन भइरहेको फिल्म ‘म यस्तो गित गाउँछु २’लाई असर नपरोस भनि प्रहरीसामु उपस्थित हुन नसकेकोमा माफी समेत मागेका छन्।

उनले सामाजिक सञ्जालमा लेखेका छ,’मेरो आफ्नो स्वास्थ्यस्थिती बिग्रिएको हुनाले साथै घरको सबै घर व्यवहार मिलाउनु परेकाले र मेरो फिल्म ‘म यस्तो गित गाउँछु २’ गत शुक्रबारदेखि नेपालभर प्रदर्शन भएका कारण फिल्मलाई असर नपरोस भनि म प्रहरीसामु उपस्थित हुन नसकेकोमा माफी माग्न चाहन्छु। नेपालको कानुनलाई सम्मान गर्दै आज (आइतबार ) नेपाल प्रहरीसामु म आफैं उपस्थित हुने जानकारी सम्पूर्णमा दिन चाहन्छु।’

एक नाबालिगमाथि बलात्कार आरोप लागेपछि उनी ‘फरार’ थिए । गत बुधबार जिल्ला प्रहरी कार्यालय तनहुँमा पलविरुद्ध जाहेरी परेको हो।

त्यही दिनदेखि प्रहरीले उनलाई पक्राउ गर्न खोजिरहेको भए पनि अहिलेसम्म फेला परेका  थिएनन् ।