काठमाडौं । कलाकार तथा लोकगीत संकलक एंव गायक जयनन्द लामाको शव अन्तिम श्रद्धाञ्जलीका लागि भोलि राष्ट्रिय नाचघर जमलमा राखिने भएको छ ।

भोलि बिहिबार बिहान १० बजेदेखि १२ बजेसम्म श्रद्धाञ्जलीका लागि शव नाचघरमा राख्न लागिएको लामा निकट एक कलाकारले जानकारी दिए ।

कलाकार जयनन्द लामाको आज बिहान कौशलटारमा रहेको घरको गेटमा असामयिक निधन भएको थियो ।

राष्ट्रपति विद्यादेवी भण्डारी, प्रधानमन्त्री शेरबहादुर देउवा लगायतले लामाको निधनप्रति दु:ख व्यक्त गरेका थिए ।