☰
तिलोत्तमा । राष्ट्रिय जनमोर्चाका अध्यक्ष चित्रबहादुर केसीले प्रधानमन्त्री शेरबहादुर देउवा र एमालेका अध्यक्ष केपी ओलीलाई मिलाएर एमसीसी पास गराउन अमेरिका लागि परेको बताएका छन् ।
उनले एमसीसी पास गराउनका लागि अहिले अमेरिकाले एमालेलाई फकाईरहेको दाबी गरे ।
अध्यक्ष केसीले अमेरिकाले अहिले एमसीसी पास गराउने विषयमा अमेरिकाले राष्ट्रिय जनमोर्चाको आशै नगरेको बताए ।
नेकपा (माओवादी केन्द्र) र नेकपा (एकीकृत समाजवादी)बाट आश मरेपछि अहिले अमेरिका एमालेको पछि लागेको छ, उनले भने, वामपन्थीकै कारण एमसीसी पास हुने खतरा रहेको छ ।
नेसनल मल्टीपर्पोज इन्भेस्टमेन्ट कम्पनी प्रालिको शनिबार बुटवलमा आयोजित साधारणसभामा बोल्दै केसीले अमेरिकन लगानी एमसीसीले देशमा विदेशी हस्तक्षेप झनै बढ्ने बताए ।
पूर्वउपप्रधानमन्त्रीसमेत रहेका अध्यक्ष केसीले अमेरिकन जासुस नेपाल आएर नेपालीलाई फकाइरहेको दाबी गर्दै सत्ता चलाउनेहरु बिकी सकेको जनाए । यो समाचार कान्तिपुर दैनिकमा छ ।
