काठमाडौं । देशभर ३ सय ५० जनामा कोरोना सङ्क्रमण पुष्टि भएको छ । पछिल्लो २४ घण्टामा ३ हजार ५३८ जनाको आरटी–पीसीआर विधिबाट परीक्षण गर्दा १ सय ९८ जना र ३ हजार ५५८ जनाको एन्टिजेन विधिबाट परीक्षण गर्दा १ सय ५२ जना गरी जम्मा ३५० जनामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना संक्रमितको कुल संख्या ११ लाख १३ हजार ८९४ पुगेको छ ।

यस्तै पछिल्लो २४ घण्टामा देशभर १ हजार २७२ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ५० हजार ५६ पुगेको छ ।

पछिल्लो २४ घण्टामा देशभर ७ हजार ९६ जनाको परीक्षण हुँदा हालसम्म कुल ६४ लाख ०८ हजार ९५७ जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण ४ को मृत्यु भएको छ । नेपालमा कोरोना संक्रमणबाट मृत्यु हुनेको संख्या ११ हजार ९१७ पुगेको छ ।