काठमाडौँ। साताको तेस्रो दिन मंगलबार सेयर बजार परिसूचक नेप्सेमा ५३ अंक माथिको वृद्धि आएको छ ।आइतबार १०१ अंकले घटेर सोमबार स्थिर जस्तै रहेको बजारमा मंगलबार पुन: ५३ अंक माथिको वृद्धि आएको हो ।

नेपाल स्टक एक्सचेन्जका अनुसार मंगलबार नेप्से सूचक ५३.३० अंकले बढ्दै २७ सय ५४.२८ विन्दुमा उक्लिएको छ । यस दिन क वर्गको सेन्सेटिभ इन्डेक्स समेत १०.८३ अंकले बढेर ५२२.१३ विन्दुमा पुगेको छ ।

आज सबैजसो उपसूचक धनात्मक भएर सेयर बजारमा हरियाली छाएको छ । तर ५३ अंक माथिले बढेको बजारमा कारोबार रकम भने राम्रो हुन सकेन । ५३.३० अंकले बढेको बजारमा जम्मा तीन अर्ब २३ करोड ३३ लाख रुपैयाँको कारोबार भएको छ ।