काठमाडौँ । देशभर थप ७ सय ४७ जनामा कोरोना सङ्क्रमण पुष्टि भएको छ।

पछिल्लो २४ घण्टामा ६ हजार २७९ जनाको पीसीआर परीक्षण गर्दा ४८२ जना र २ हजार ४१७ जनाको एन्टिजेन परीक्षण गर्दा २६५ जना गरी जम्मा ७ सय ४७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

यस्तै पछिल्लो २४ घण्टामा २ हजार ३१९ जना संक्रमणमुक्त भएका छन् भने ८ संक्रमितले ज्यान गुमाएका छन् । नेपालमा कोरोनाबाट ज्यान गुमाउनेको कुल संख्या ११ हजार ९०० पुगेको छ ।

आज थपिएकासँगै देशभर सक्रिय संक्रमितको संख्या २० हजार ७३९ पुगेको छ ।