काठमाडौँ। आइतबार नेपाली बजारमा सुनचाँदीको मूल्य ह्वात्तै बढेको छ । आज छापावाला सुन तोलामा १ हजार ५ सय रुपैयाँले बढेर प्रतितोला ९५ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै तेजावी सुन पनि तोलामा १ हजार ५ सय रुपैयाँले बढेर प्रतितोला ९५ हजार रुपैयाँमा कारोबार भइरहेको छ ।

यसैगरी आज चाँदीको मूल्य पनि बढेको छ। चाँदी आज तोलामा २० रुपैयाँले बढेर प्रतितोला १ हजार ३ सय रुपैयाँमा कारोबार महासंघले जनाएको छ।