काठमाडौं । फागुन १ बाट स्वास्थ्य मापदण्ड अपनाएर फिल्महलहरु खुल्ला हुने भएका छन् । कोरोना महामारीका कारण बन्द हुन पुगेका फिल्महलहरु कोरोना महामारीको तेस्रो लहर ओमिक्रोनको संक्रमण कम हुँदै जान थालेपछि स्वास्थ्य मापदण्डलाई ख्याल गरी खुल्ला गर्न जिल्ला प्रशासन कार्यालयले अनुमति दिएपछि हलहरु खुल्ने भएका हुन् ।

ओमिक्रोनको आगमनपूर्व अत्याधुनिक सेवा सुविधा भएका ‘क्यूएफ्एक्स’ हलहरु मात्र खोल्न सकिने भनिए पनि अहिले त्यसको बारेमा जिल्ला प्रशासन कार्यालय मौन रहेको छ ।

सिनेमा हल खुल्ला हुने बितिकै दक्षिण भारतीय चलचित्र पुष्पा र नेपाली चलचित्र चपली हाइट–३ लगायतका सिनेमा हलमा प्रदर्शन हुने छन् ।