☰
काठमाडौं । नेपाली सेनाले कृषि विज्ञान संस्थान सञ्चालन गर्ने भएको छ । लमजुङको सैनिक व्यवसायीक कृषि तथा पशुपालन तालिम केन्द्रलाई संस्थानमा रुपान्तरण गरेर सेनाले बीएससी एग्रिकल्चर कार्यक्रम सञ्चालन गर्ने भएको हो ।
बीएससी एग्रिकल्चर कक्षा सञ्चालनका लागि नेपाली सेना र त्रिभुवन विश्वविद्यालयको कृषि तथा पशु विज्ञान अध्ययन संस्थानबीच शुक्रबार जंगी अड्डामा सम्झौता पत्रमा हस्ताक्षर भएको छ ।
संस्थानमा स्नातक तहको बीएससी एग्रिकल्चर कार्यक्रम सञ्चालन गर्ने लक्ष्यअनुसार सैनिक कल्याणकारी महानिर्देशनालयका महानिर्देशक उपरथी आनन्दकुमार अधिकारी र कृषि तथा पशु विज्ञान अध्ययन संस्थानका डीन प्रा.भार्गव धितालले सम्झौतापत्रमा हस्ताक्षर गरेका हुन् । यो समाचार अन्नपूर्णपोष्ट दैनिकमा छ ।
