काठमाडौं । त्रिभुवन विश्वविद्यालयले फागुन १ गतेदेखि भौतिक रूपमा पठनपाठन सुरु गर्ने भएको छ ।
बिहीबार त्रिवि रजिस्ट्रार कार्यालयले सूचना जारी गर्दै पठनपाठन, परीक्षालगायत कार्यालयका सम्पूर्ण काम भौतिक उपस्थितिमा नै सञ्चालन गर्ने निर्णय भएको जनाएको हाे ।
मंगलबार बसेको त्रिवि कार्यकारी परिषद्को बैठकले १ फागुनदेखि पठनपाठन र रोकिएका परीक्षा सञ्चालन गर्ने निर्णय गरेको हो ।
कोरोनाको तेस्रो लहर सुरु भएसँगै त्रिविले गत ९ माघदेखि विभिन्न तहका परीक्षासमेत स्थगित गरेको थियो ।