काठमाडौँ । साताकाे दाेस्राे कारोबार दिन साेमबार नेपाली बजारमा सुनको भाउ प्रतितोला एक सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाल सुनको भाउ तोलाको ९२ हजार ६ सय रुपैयाँ कायम भएको छ । आइतबार छापावाल सुन तोलाकाे ९२ हजार पाँच सय रुपैयाँमा कारोबार भएको थियो ।

यस्तै तेजावी सुनको भाउ तोलामा ९२ हजार एक सय रुपैयाँ निर्धारण भएको छ ।

यसैगरी आज चाँदीको मूल्य पनि बढेको छ। आज चाँदी प्रतितोला पाँच रुपैयाँले बढेर एक हजार २५५ रुपैयाँ निर्धारण भएको महासंघले जनाएको छ।