काठमाडौँ। सन् १९९३ मा भएको मुम्बई विष्फोटका प्रमुख योजनाकार अबु बकर अब्दुल गफूर शेख यूएईमा पक्राउ परेका छन् । झण्डै तीन दशकपछि भारतीय सुरक्षा एजेन्सीहरुको सहयोगमा बकर पक्राउ परेका हुन् ।

सन् १९९३ मा मुम्बईमा भएको श्रृङ्खलाबद्ध विष्फोटमा २५७ जनाको मृत्यु भएको थियो भने ७१३ जना मानिसहरु घाइते भएका थिए ।

दाउद इब्राहिमको निकट सहयोगी मानिने उनलाई भारत सुपुर्दगी गर्ने तयारी गरिएको  बताइएको छ ।

पछिल्लो २९ वर्षमा अबु बकर भारतको मोस्ट वान्टेडको सूचीमा रहँदै आएका थिए । सन् १९९७ मा उनलाई पक्राउ गर्न भारतले रेड कर्नर नोटिस जारी गरेको थियो । उनी पाकिस्तान र यूएईमा बस्दै आएको बताइएको छ।

(एजेन्सी )