काठमाडौँ । नेपाली बजारमा आज पनि सुनको मूल्य बढेको छ । मंगलबार प्रतितोला ९१ हजार ९०० रुपैयाँमा कारोबार भएको छापावाल सुन आज तोलामा ३ सय रुपैयाँले बढेर प्रतितोला ९२ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै तेजावी सुनको मूल्य तोलाको ९१ हजार ७ सय रुपैयाँ कायम भएको छ।

यसैगरी आज चाँदीको भाउ पनि बढेको छ । बुधबार चाँदी प्रतितोलामा १५ रुपैयाँले बढेर एक हजार २५५ रुपैयाँमा कारोबार भइरहेको महासंघले जनाएको छ।