काठमाडौँ। साताकाे पहिलाे दिन आइतबार सुनकाे मूल्य घटेको छ । गत शुक्रबार छापावाला सुन प्रतितोला ९३ हजार ८०० रुपैयाँमा कारोबार भएकोमा आज तोलामा ३०० रुपैयाँले घटेर ९३ हजार ५०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै, आज तेजाबी सुनको मूल्य समेत तोलामा ३०० रुपैयाँले नै घटेर प्रतितोला ९३ हजार रुपैयाँमा कारोबार भइरहेको छ।

यसैगरी आज चाँदीको मूल्य पनि तोलामा १० रुपैयाँले घटेर एक हजार ३१५ रुपैयाँमा कारोबार भइरहेको महासंघले जनाएको छ । गत शुक्रबार चाँदी प्रतितोला एक हजार ३२५ रुपैयाँमा कारोबार भएको थियो ।