काठमाडौँ। नेपाली बजारमा सोमबार सुनचाँदीको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ९२ हजार ४ सय रुपैयाँ कायम भएकोमा सोमबार तोलामा १ सय रुपैयाँले बढेर ९२ हजार ५ सय रुपैयाँमा कारोबार भइरहेको छ ।

यस्तै तेजावी सुनको मूल्य तोलाको ९२ हजार रुपैयाँ कायम भएको छ ।

यसैगरी सोमबार चाँदीको भाउ पनि बढेको छ । आज चाँदी प्रतितोला ५ रुपैयाँले बढेर १ हजार २ सय ५५ रुपैयाँमा कारोबार भइरहेको महासंघले जनाएकाे छ ।