काठमाडौं । अभिनेत्री आँचल शर्माले अभिनित पहिलो तेलुगू चलचित्र ‘हिटम्यान’को टिजर सार्वजनिक गरिएको छ ।

शुक्रबार काठमाडौंमा एक कार्यक्रमको आयोजना गर्दै चलचित्रको टिजर सार्वजनिक गरिएको हो ।

टिजरमा मुख्य कलाकार विष्णु अधिकारी एक कैदी जेलबाट भागेको र उसले त्यसपश्चात भोगेका समस्या र संघर्षलाई टिजरमा प्रस्तुत गरिएको छ । टिजरमा आँचलको भने कुनै पनि दृश्य समावेश छैन ।

पत्रकार सम्मेलनमा उपस्थित आँचलले टिजरमा नेपालको दृश्य समावेश नगरिएकाले आफू नदेखिएको बताइन् ।