काठमाडौँ। नेपालमा पछिल्लो केहीदिन यता कोरोना संक्रमण क्रमिक रुपमा बढ्दै गएको छ। पछिल्लो २४ घण्टामा देशभर थप १ हजार १६७ जनामा कोरोना सङ्क्रमण पुष्टि भएको छ । पछिल्लो २४ घण्टामा पीसीआर विधिबाट ८८४८ र एन्टिजेन विधिबाट ३७८४ जनामा परीक्षण गर्दा १ हजार १६७ जनामा कोरोना संक्रमण पुष्टि भएको स्वास्थ्य तथा मन्त्रालयले जनाएको छ। यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख ३२ हजार ५२९ र एन्टिजेन विधिबाट भएको परीक्षणमा ९७ हजार ४१५ जना पुगेको छ।

यस्तै, आज थप २२४ जना कोरोना संक्रमण मुक्त भएका छन् । यससँगै नेपालमा कोरोना संक्रमण मुक्त हुनेको संख्या ८ लाख १४ हजार २३० जना पुगेको छ ।

यसैगरी पछिल्लो २४ घण्टामा संक्रमणबाट थप २ को मृत्यु भएको छ । नेपालमा कोरोनाबाट ज्यान गुमाउनेको कुल संख्या ११ हजार ६०४ पुगेको छ। । हाल देशभर सक्रिय संक्रमितको संख्या ६ हजार ७५५ रहेको छ ।