काठमाडौं । नेकपा माओवादी केन्द्रको जारी आठौं राष्ट्रिय महाधिवेशनमा अध्यक्ष पुष्पकमल दाहाल प्रचण्डले प्रतिवेदनमा उठेका प्रश्नहरूको जवाफ दिन शुरु गरेका छन् ।

समूहगत छलफलको सुझाव तथा निष्कर्षको प्रस्तुतीकरण सकिएपछि प्रचण्डले प्रतिवेदनमा उठेका प्रश्नहरूको जवाफ दिन थालेका हुन् ।

अध्यक्ष प्रचण्डले पेश गरेको राजनीतिक प्रतिवेदनमा २५ वटा समूहका टोली नेताले आ–आफ्नो सुझाव तथा निष्कर्ष सुनाएका थिए ।

अध्यक्षको जवाफ पश्चात राजनीतिक प्रतिवेदन पारित गराउने तयारी छ । त्यस्तै स्थायी कमिटी सदस्य देव गुरुङले प्रस्तुत गरेको विधान मस्यौदा पनि आजै पारित हुने बताइएको छ । त्यसपछि निर्वाचनको प्रक्रिया सुरु हुनेछ ।