काठमाडौँ। देशभर थप २९० जनामा कोरोना भाइरसको संक्रमण पुष्टि भएको छ । पछिल्लो २४ घण्टामा पीसीआर विधिबाट १२ हजार ४७३ र एन्टिजेन विधिबाट ४ हजार ६१६ जनामा परीक्षण गर्दा २९० जनामा कोरोना संक्रमण पुष्टि भएको स्वास्थ्य तथाजनसंख्या जनसंख्यामन्त्रालयले जनाएको छ। यससँगै नेपालमा कुल संक्रमितको संख्या पीसीआरबाट ८ लाख २६ हजार २०६ र एन्टिजेनबाट ९६ हजार २१ जना पुगेको छ ।

यस्तै, पछिल्लो २४ घण्टामा थप २३२ जना कोरोना संक्रमणबाट मुक्त भएका छन् । यससँगै कुल कोरोना संक्रमण मुक्त हुनेको संख्या ८ लाख ९ हजार ३८७ जना पुगेको छ । निको हुने दर ९८ प्रतिशत रहेको छ ।

यसैगरी पछिल्लो २४ घण्टामा संक्रमणबाट थप ३ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ११ हजार ५७७ पुगेको छ । हाल देशभर सक्रिय संक्रमितको संख्या ५ हजार २२४ रहेको छ ।