काठमाडौँ। नेकपा माओवादी केन्द्रले प्रदेश पदाधिकारीको संख्या बढाउने भएको छ । बिहीबार बसेको माओवादी केन्द्रको स्थायी समितिको बैठकले यसअघि रहेको पदाधिकारी संख्या ७ बाट बढाएर ९ पुर्‍याउने निर्णय गरेको हो । बैठकको निर्णयानुसार अब माओवादी केन्द्रको प्रदेश समितिमा अध्यक्ष, तीन उपाध्यक्ष, सचिव, तीन सहसचिव र कोषाध्यक्ष रहने प्रवक्ता कृष्णबहादुर महराले जानकारी दिए ।

त्यस्तै, बैठकले प्रदेश समितिको आकार पनि बढाउने निर्णय गरेको छ । प्रदेश १ मा २६९, प्रदेश २ मा २७१, बागमतीमा २७५, गण्डकीमा २२९, लुम्बनीमा २५३, कर्णालीमा २२१ र सुदूरपश्चिममा २२३ सदस्यीय प्रदेश समिति बन्ने निर्णय भएको हो ।

बैठकले पार्टी प्रवेश गर्नेहरुको अध्ययन गर्न देव गुरुङ, गिरिराजमणि पोखरेल र श्रीराम ढकाल रहेको कार्यदल पनि गठन गरेकाे छ ।