• बैशाख ३ २०८२, बुधबार

क्यालिफोर्नियामा विमान दुर्घटना : ४ जनाको ज्यान गयो

मंसिर २० २०७८, सोमबार

काठमाडौं । अमेरिकामा भएको विमान दुर्घटनामा कम्तीमा पनि चारजनाको ज्यान गएको छ । प्राप्त समाचारमा सो जहाज सानो आकारको र एकमात्र इन्जिनको रहेको थियो । यो क्यालिफोर्निया राज्यको घटना हो ।

क्यालिफोर्नियाको लस एञ्जलसबाट करिब ३२० किलोमीटर उत्तरी क्षेत्रमा सो जहाज दुर्घटनाग्रस्त भएको थियो । स्थानीय भिसिला म्युनिसिपल एरपोर्टबाट उडेको केही क्षणमा नै सो विमान दुर्घटनामा परेको थियो ।

सो विमान ६ सिट क्षमताको थियो र त्यसमा रहेका चारजनाको घटनास्थलामै ज्यान गएको थियो । दुर्घटनामा परेर ज्यान गुमाएकाहरुको पहिचान खुलल्न सकेको छैन ।

अधिकारीहरुले सो घटनाको अनुसन्धान जारी रहेको बताएका छन् । यस विषयमा थप जानकारी प्राप्त हुन सकेको छैन ।