काठमाडौं । महोत्तरी जिल्लाको लोहारपट्टी नगरपालिका वडानम्बर ६ मा आज बिहान हत्या गरिएको अवस्थामा एक महिलाको शव फेला परेको छ ।

प्रहरी उपरीक्षक दिनेशकुमार आचार्यका अनुसार स्थानीयबासी सुरेन्द्र मण्डलकी पत्नी ३५ वर्षीया रुबी मण्डलको हत्या गरिएको अवस्थामा शव उनको आफ्नै घरको बरन्डामा राखिएको अवस्थामा फेला परेको हो ।
टाउकाभरि घाउ चोट रहेको, अनुहार र शरीरका अन्य भागमा पनि विभिन्न चोटपटक रहेको अवस्थामा महिलाको शव फेला परेको प्रहरी उपरीक्षक आचार्यले बताए ।

पति सुरेन्द्र रोजगारीका क्रममा भारतको पञ्जाब बस्दै आएका र महिलाको हत्या पारिवारिक समस्याका कारण भएको प्रहरीको प्रारम्भिक अनुमान रहेको छ ।