काठमाडौँ। पूर्वन्यायाधीश फोरमले प्रधानन्यायाधीश चोलेन्द्रशमशेर जबराले आन्दोलनरत पक्षलाई वार्तामा आउन गरेको आह्वान भ्रष्टाचार लुकाउने दुष्प्रयास भएको बताएको छ। सोमबार अनामनगरस्थित युनियन हाउसमा पत्रकार सम्मेलनमार्फत एक विज्ञप्ति सार्वजनिक गर्दै फोरमले यस्तो बताएको हो।

‘आज मिति २०७८/७/२९ मा प्रधानन्यायाधीश चोलेन्द्रशमशेर राणाबाट वार्ताका लागि जारी गरिएको आह्वान न्यायका विचलन तथा भ्रष्टाचार लुकाउन गरिएको दुष्प्रयास मात्र हो,’ विज्ञप्तिमा भनिएको छ, ‘यो न्यायालयको हितमा रहेको देखिँदैन।’