काठमाडौं । स्विडेनलाई पराजित गर्दै स्पेन विश्वकपमा छनोट भएको छ ।

युरोपियन छनोट अन्तर्गत आइतबार राति स्विडेनलाई १-० गोलले हराउँदै स्पेनले विश्वकपमा आफ्नो स्थान सुरक्षित गरेको हो ।

स्पेनको घरेलु मैदानमा खेलको ८६ औं मिनेटमा अल्भारो मोराटाले निर्णायक गोल गरेका थिए। यस जितसँगै समूह बी को शीर्ष स्थानमा रहेको स्पेनले ८ खेलमा १९ अंक जोडेको छ ।

स्विडेन १५ अंक जोडेर दोस्रो स्थानमा रहेको छ । विश्वकपमा छनोट हुने सम्भावना स्विडेनको पनि बाँकी नै छ ।

यसै समूहको अर्को खेलमा ग्रीस र कोसोभोले १-१ गोलको बराबरी खेल्दै अंक बाडेका छन् ।