काठमाडौं । सल्यानमा दाङ जाँदै गरेको बस दुर्घटना भएको छ । दुर्घटनामा ८ जनाको मृत्यु भएको जिल्ला प्रहरी कार्यालय सल्यानले जनाएको छ।

सल्यानको खलंगाबाट दाङको तुलसीपुर जाँदै गरेको रा१ख २५५२ नम्बरको बस आइतबार बिहान ११ बजेतिर कपुरकोट गाउँपालिका-५ स्थित खारखोलामा दुर्घटना भएको हो । बस सडकबाट २ सय मिटर तल खसेको छ।

दुर्घटनाका घाइतेहरूलाई उपचारका लागि अस्पताल पुराउने तयारी भइरहेको बताइएको छ।