काठमाडौँ। बिहीबार नेपाली बजारमा सुनचाँदीको मूल्य घटेको छ । बुधबार प्रतितोला ९१ हजार ५ सय रुपैयाँमा कारोबार भएको छापावाल सुन बिहीबार तोलामा ५ सय रुपैयाँले घटेर ९१ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै तेजावी सुन पनि तोलामा ५ सय रुपैयाँले घटेर प्रतितोला ९० हजार ५ सय रुपैयाँमा कारोबार भइरहेको छ।

यसैगरी आज चाँदीको मूल्य भने स्थिर रहेको छ। बिहीबार चाँदी प्रतितोला १ हजार २ सय २५ रुपैयाँमा कारोबार भइरहेको महासंघले जनाएको छ ।