काठमाडौँ। नेपाली कांग्रेसका युवा नेता गगन थापाले अब हुने चुनावमा नेकपा एमालेलाई हराउनुपर्ने बताएका छन्।

बुधबार भक्तपुरको गुण्डुमा आयोजित एक कार्यक्रमलाई सम्बोधन गर्ने क्रममा थापाले  यस्तो बताएका हुन् । उनले अब हुने स्थानीय, प्रदेश र संघीय चुनावमा एमालेलाई जसरी पनि हराउनु पर्ने बताएका छन् ।

एमाले अध्यक्ष ओलीले एक्ला एक्लै चुनाव लड्न चुनौती दिएका थिए । उनले त्यसको प्रतिवाद गर्दै अब हुने चुनावमा एमालेलाई कुचो लगाएर बढार्ने र बढार्दा कुना काप्चामा धुलो अड्किए भ्याकुम लगाउने बताए ।

‘यसपटकको चुनावमा एमालेलाई कुचो लगाएर बढार्ने हो । बढार्दा कुनाकाप्चामा धुलो अड्कियो भने भ्याकुम लगाउने हो ।’

कांग्रेस पहिलेपनि सिङ्गल लडेर पहिलो पार्टी भएको उनले बताए । उनले भने, ‘सिङ्गल–सिङ्गल लड्ने भनेको होइन ? हामी पहिले पनि सिङ्गल नै लडेर पहिलो पार्टी बनेको हो ।’