काठमाडौँ। नेकपा एमालेको १०औँ महाधिवेशनबाट अध्यक्षमा केपी शर्मा विजयी भएका छन्। चितवनको सौराहामा जारी दसौँ महाधिवेशनको मतगणनामा जम्मा खसेको २ हजार ९६ मतमध्ये अध्यक्ष ओलीले १८०८ सय पाएको बताइएको छ। उनीसँग प्रतिस्पर्धामा उत्रिएका भीम रावलले २ सय १३ मत मात्रै ल्याउन सफल भएका छन्। तर यसलाई निर्वाचन आयोगले पुष्टि गरिसकेको छैन।

निर्वाचन आयोगका अनुसार मुचुल्कामा हस्ताक्षर गरेपछि औपचारिकरुपमा परिणाम सार्वजनिक गरिने छ।

अहिले उपाध्यक्षको मत गणना सुरु भइसकेको छ। उपाध्यक्षमा रामबहादुर थापा ‘बादल’ले अग्रता बनाएका छन्।

उनले ४०० मत कटाउँदा घनश्याम भुसालले ६१ मत मात्रै ल्याउन सफल भएका छन्।

उपाध्यक्षको सकिएपछि सचिव र केन्द्रीय सदस्यको मत गणना हुने एमाले निर्वाचन आयोगले जनाएको छ।