काठमाडौं । नेकपा (माओवादी केन्द्र)को पालिकास्तरीय अधिवेशन आज एकैपटक देशैभर सम्पन्न भएको छ ।

पार्टी अध्यक्ष पुष्पकमल दाहाल ‘प्रचण्ड’ले आज भर्चुअल माध्यमबाट एकैपटक देशैभरका पालिकाको अधिवेशनको उद्घाटन गरेका थिए ।

आइतबारसम्ममा सबै पालिकाको नेतृत्व चयन भइसक्ने माओवादीका केन्द्रीय कार्यालय सचिव श्रीराम ढकालले जानकारी दिए । उनका अनुसार धेरैजसो जिल्लाका पालिकामा सर्वसम्मत तरिकाले नेतृत्व चयन भएको छ भने केहीमा स्वस्थ प्रतिस्पर्धाबाट पनि निर्वाचित भएका छन् ।