बारा। नेपाल गुणस्तर तथा नापतौल विभागले बाराको श्री ग्यास वान नेपाल प्रालि उद्योगलाई कारबाही गरेको छ। विभागले गरेको बजार अनुगमनका क्रममा श्री ग्यासको उत्पादन नेपाल गुणस्तरबमोजिम नपाइएपछि कारबाही गरिएको विभागले जनाएको छ। विभागले प्रालिलाई एलपीजी बोटलिङको काममा समेत रोक लगाएको छ।

प्रयोगशालामा वस्तुको नमूना परीक्षण र उद्योग निरीक्षण गर्दा गुणस्तरीय नभएको पाइएपछि नेपाल गुणस्तर ऐन, २०३७ तथा नियमावली, २०४० बमोजिम श्री ग्यास वान नेपाल प्रालिलाई कारबाही गरेको विभागले जनाएको छ।

विभागले ग्यास उद्योगलाई १५ दिनभित्र स्पष्टीकरण पेश गर्न निर्देशनसमेत दिएको छ।