काठमाडौँ। नेपाल बार एशोसिएसनले सिंहदरबारदेखि बालुवाटारसम्म मार्चपास गरेको छ । प्रधानन्यायाधीश चोलेन्द्र शम्शेर जबराको राजीनामा माग गर्दै बारको नेतृत्वमा बिहीबार दिउँसो २ बजेदेखि कानुन व्यवसायी तथा विभिन्न संघसंस्थाले सिंहदरबारदेखि बालुवाटारसम्म मार्चपास गरेका हुन्।

माइतीघर मण्डला–भद्रकाली–रत्नपार्क हुँदै बालुवाटार पुगेको मार्चपास प्रहरीले अगाडि बढ्न नदिएपछि सडकमै कोणसभामा परिणत भएको छ । मार्चपासमा नेपाल पत्रकार महासंघ, शिक्षक महासंघ, इन्जिनियर्स एसोसिएसन, जनस्वास्थ्य संघ, आदिवासी जनजाति महासंघ र वृहत् नागरिक आन्दोलनको पनि सहभागिता छ ।