पाँचथर। भालुको आक्रमणबाट पाँचथरमा एक वृद्ध गम्भीर घाइते भएका छन् । जिल्लाको फालेलुङ गाउँपालिका वडा ३ मा भालुले आक्रमण गर्दा सोही स्थानका ८२ बर्षीय रामकुमार राई गम्भीर घाइते भएका हुन् ।

स्थानीय ठेप्चे भन्ने ठाउँमा गोठमा बस्दै आएका वृद्ध राई वस्तु खोलेर खर्कतिर लैजाँदै गर्दा भालुले एक्कासण गरेको पाँचथर प्रहरीले बताएको छ ।

उनलाई भालुले शरीरका विभिन्न ठाउँमा टोकेर चोट पुर्याएको छ । राईलाई उपचारको लागि यतिबेला फिदिम ल्याइदै गरेको जिल्ला प्रहरी कार्यालय पाँचथरले बताएको छ । स्थानीयका अनुसार राई एक्लै गोठमा बस्दै आएका थिए ।