काठमाडौँ। काठमाडौँको गोकर्णेश्वर नगरपालिका-६ नयाँबस्तीस्थित किराना पसलबाट विभिन्न प्रकारका पटका सहित सञ्चालक पक्राउ परेका छन् ।

सर्लाहीको चक्रघट्ट गाउँपालिका-५ घर भएका ४० वर्षीय मनोज कुमार चौधरीलाई खोर्सानी, रकेट, झिरझिरे लगायतका करिब २ लाख ५० हजार रुपैयाँ मूल्य बराबरको पटाका सहित मंगलबार दिउँसो प्रहरीले पक्राउ गरेको हो।

महानगरीय प्रहरी वृत्त बौद्धबाट खटिएको प्रहरी टोलीले उक्त पसलमा पटाका भण्डारण गरी ब्रिकी गर्ने गरेको भन्ने सूचनाको आधारमा उनको पसल खानतलासी गर्दा उक्त पटाका बरामद गरी उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको जनाएइको छ।