काठमाडौँ। देशभर थप ७७६ जनामा कोरोना सङ्क्रमण पुष्टि भएको छ। स्वास्थ्य तथा जनसंख्या मन्त्रालका अनुसार पछिल्लो २४ घण्टामा ८ हजार २८४ जनाको आरटी–पीसीआर विधिबाट परीक्षण गर्दा ६ सय ७३ जना र २ हजार ५८० जनाको एन्टिजेन विधिबाट परीक्षण गर्दा १ सय ३ जनामा गरी जम्मा ७७६ जनामा कोरोना संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ९ लाख ०३ हजार ८४७ पुगेको छ ।

यस्तै पछिल्लो २४ घण्टामा देशभर ५ सय १ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ८८ हजार ००८ पुगेको छ ।

यसैगरी पछिल्लो २४ घण्टामा थप १३ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार ३६१ पुगेको छ ।