काठमाडौँ। देशभर पछिल्लो २४ घण्टामा ५ सय ४५ जनामा कोरोना सङ्क्रमण पुष्टि भएको छ । देशभर ६ हजार ५ सय ८६ जनाको आरटी–पीसीआर विधिबाट परीक्षण गर्दा ४ सय ७० जना र १ हजार ९ सय ६३ जनाको एन्टिजेन विधिबाट परीक्षण गर्दा ७५ जनामा गरी जम्मा ५४५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

यस्तै, पछिल्लो २४ घण्टामा थप ७२६ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ७ लाख ८४ हजार ८८१ जना पुगेको छ ।

यसैगरी पछिल्लो २४ घण्टामा संक्रमणबाट थप ८ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ११ हजार ३२६ पुगेको छ ।