काठमाडौँ। माधवकुमार नेपाल नेतृत्वको नेकपा (एकीकृत समाजवादी) ले झलनाथ खनाललाई सम्मानित नेताको दर्जा दिएको छ ।पार्टीले हालै जारी गरेकाे अन्तरपार्टी निर्देशन (अपानीमा) मा खनाललाई सम्मानित नेताको दर्जा दिएको हो ।

यसअघि भने नेकपा (एस) ले खनाललाई बरिष्ठ नेता भन्दै आएको थियो । अध्यक्ष नेपालले जारी गरेको अन्तरपार्टी निर्देशनमा केन्द्रीय कमिटी सदस्य संख्या विस्तार गर्दै गरिएको कार्यविभाजनमा खनाल विदेश विभाग प्रमुखको जिम्मेवारीमा रहेका छन् ।