जनकपुरधाम । धनुषामा घाँटी काटीएको अवस्थामा एक पुरुषको शव भेटिएको छ । नगराइन नगरपालिका वडा नम्बर ५ गाँगुलीमा आइतबार बिहान अन्दाजी ३५ वर्षीय पुरुषको शव फेला परेको हो।

धारिलो हतियार प्रहार गरी हत्या गरिएको अवस्थमा शव फेला परेको जिल्ला प्रहरी कार्यालय धनुषाले जनाएको छ।

मृतकको सनाखत हुन सकेको छैन । उनको शनिबार राति हत्या भएको हुनसक्ने प्रहरीको अनुमान छ ।

शवलाई पोष्टमार्टमका लागि प्रादेशिक अस्पताल जनकपुरधाम पठाइएको छ । घटनाबारे अनुसन्धान भइरहेको प्रहरीले जनाएको छ ।