काठमाडौं । देशभर पछिल्लो २४ घण्टामा ३ सय ६५ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पीसीआर विधिबाट ३ हजार ६७१ र एन्टिजेन विधिबाट १ हजार ९२३ जनामा परिक्षण गर्दा ३६५ जनामा कोरोना संक्रमण पुष्टि भएको हो । यससँगै नेपालमा कुल संक्रमितको संख्या पीसीआरबाट ८ लाख ३ हजार ८७८ र एन्टिजेनबाट ९३ हजार २५६ जना पुगेको छ ।

यस्तै, पछिल्लो २४ घण्टामा ६०९ जना कोरोना संक्रमण मुक्त भएका छन् । यससँगै नेपालमा संक्रमण मुक्त हुनेको संख्या ७ लाख ७८ हजार ३५० जना पुगेको छ । निको हुने दर ९६.८ प्रतिशत रहेको छ ।

यसगरी पछिल्लो २४ घण्टामा संक्रमणबाट थप ४ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ११ हजार २६१ पुगेको छ ।