☰
काठमाडौँ । ‘पिउँदिन भन्दा भन्दै पिलायो साथीले’ बोलको गीत गाएर थप चर्चित बनेका सुगम संगीतका गायक शिव परियारले दशैंको छेको पारेर त्यस्तै खालको अर्को गीत पनि बजारमा ल्याएका छन् । उनको सो गीतको भिडियो बजारमा आएको छ ।
‘पिउन सुरु गरेपछि’ बोलको गीत र त्यसको भिडियो सार्वजनिक गरेका गायक परियारले गाएको सो गीतको शब्द सिर्जना रबिन स्वप्निल गिरीले गरेका छन् । दीपकराज विश्वकर्माले संगीत सिर्जना गरेको उक्त गीतमा संगीतको संयोजन राजन इसानले गरेका छन् ।
कलाकारहरु पुष्प खड्गा, अलिया अधिकारी र अञ्जली लुइँटेल लगायतले नृत्य तथा स्क्रिन रोमान्स गरेको सो गीतको भिडियोलाई विक्रमादित्य शाहले निर्देशन गरेका छन् । अर्जुन जिसीले सम्पादन गरेको सो भिडियोको गीतलाई भिडियोको अवधारणामा ढाल्ने काम सुरज न्यौपानेले गरेका छन् ।
हेरौं भिडियो ⇓
