☰
काठमाडौं । गोडा नै नभएका एकजना रुसी नागरिकले विश्वको आठौं अग्लो हिमाल मनास्लु आरोहण गरेका छन् । उनको नाम रुस्तम नविव हो ।
‘किलर माउन्टेन’का रूपमा परिचित ८ हजार १ सय ६३ मिटर अग्लो चुचुरो मनास्लुको आरोहण उनले हात टेकेर घस्रिँदै गरेका हुन् ।
अरूलाई ४ घण्टा लाग्ने बाटो उनलाई ८ घण्टा लागेको भएपनि उनले हिम्मत भने हारेनन् । २८ वर्षीय नविवले सन् २०१५ मा रुसको ओम्स्कमा एक सैन्य ब्यारेक भत्किँदा दुवै खुट्टा गुमाएका थिए ।
उनी मनास्लु आरोहण गर्ने दुवै खुट्टा नभएका पहिलो व्यक्ति हुन् । असोज ११ बाट २ रुसी नागरिक र २ शेर्पा गाइडका साथमा मनास्लु आरोहण शुरु गरेका उनी हिजो शनिबार बिहान साढे १० बजे चुचुरोमा पुगेका थिए ।
