गोवा । भक्तपुरको झउखेलका शम्भुप्रसाद न्यौपाने भारतको गोवामा मृत फेला परेका छन् । के कारणले उनको मृत्यु भएको हो भन्ने थाहा हुन सकेको छैन ।

पोस्टमार्टम रिपोर्ट आएपछि मात्र उनको मृत्युको कारण थाहा हुनसक्ने संयुक्त गोवा नेपाली समाजका अध्यक्ष प्रकाश थापाले बताए । मृतकका आफन्त अहिलेसम्म सम्पर्कमा आएका छैनन् ।

उनी विगत ७ वर्षदेखि गोवाको कलंगुटमा होटेल व्यवसाय गर्दै आएका थिए । उनको शव गोवा मेडिकल कलेजमा राखिएको छ ।