काठमाडौं । देशभर पछिल्लो २४ घण्टामा थप १,५५८ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८ हजार ६६५ जनाको आरटी–पीसीआर विधिबाट परीक्षण गर्दा १ हजार ८६ जना र ३ हजार ७२० जनाको एन्टिजेन विधिबाट परीक्षण गर्दा ४ सय ७२ जनामा गरी जम्मा १,५५८जनामा कोरोना सङ्क्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ८ लाख ७१ हजार ७३४ पुगेको छ ।

यस्तै पछिल्लो २४ घण्टामा देशभर १ हजार ३५१ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ४६ हजार ५६६ पुगेको छ ।

यसैगरी पछिल्लो २४ घण्टामा थप १० संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार १२ पुगेको छ ।