काठमाडौं । देशभर थप १ हजार ७५६ जनामा कोरोना सङ्क्रमण पुष्टि भएको छ । देशभर पछिल्लो २४ घण्टामा ९ हजार ७७३ जनाको आरटी–पीसीआर विधिबाट परीक्षण गर्दा १ हजार ३५७ जना र ४ हजार ५६१ जनाको एन्टिजेन विधिबाट परीक्षण गर्दा ३ सय ९९ जना गरी जामा १ ७५६ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको हो । योसँगै नेपालमा कोरोना भाइरस संक्रमितको कुल संख्या ८ लाख ५१ हजार ९६४ पुगेको छ ।

यस्तै पछिल्लो २४ घण्टामा देशभर २ हजार २७४ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख २३ हजार ४५६ पुगेको छ ।

पछिल्लो २४ घण्टामा देशभर १४ हजार ३३४ जनाको परीक्षण हुँदा हालसम्म कुल ४४ लाख २८ हजार ०१० जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा थप २३ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार ८०९ पुगेको छ ।