काठमाडौं । देशभर पछिल्लो २४ घण्टामा २ हजार ५२५ जनामा कोरोना सङ्क्रमण पुष्टि भएको छ । देशभर ९ हजार ९०९ जनाको आरटी–पीसीआर विधिबाट परीक्षण गर्दा २ हजार २० जना र ४ हजार ९०१ जनाको एन्टिजेन विधिबाट परीक्षण गर्दा ५ सय ५ जनामा गरी जम्मा २,५२५ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना भाइरस संक्रमितको कुल संख्या ८ लाख ३१ हजार ९६८ पुगेको छ ।

यस्तै पछिल्लो २४ घण्टामा देशभर २ हजार ८६ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ०२ हजार १८३ पुगेको छ ।

यसैगरी पछिल्लो २४ घण्टामा थप ३५ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार ५६८ पुगेको छ ।