☰
काठमाडौँ। एक अफगान महिलाले उद्धारका लागि परिचालन गरिएको अमेरिकी विमानमा बच्चा जन्माएकी छन् । अफगानिस्तानबाट जर्मनी जाँदै गरेको अमेरिकी विमानमा उनले बच्चा जन्माएको यूएस एअर मोबीलीटी कमान्डले जनाएको छ।
ती महिला आफ्नो परिवारसँग मध्यपूर्वबाट यात्रा गरिरहेका बेला प्रसव पीडा सुरु भएको र उनको अवस्था जटिल हुँदै गएपछि विमानका कमान्डरले विमानमा हावाको चाप बढाउनका लागि उडानको उचाइ कम गरे जसले गर्दा ती महिलालाई स्थिर बनाउन र आमाको ज्यान बचाउन मद्दत पुग्यो।
जर्मनीमा विमान अवतरण हुने बित्तिकै अमेरिकी सैन्य चिकित्सकहरूको टोली आइपुग्यो र बच्चा जन्माउन सहयोग गर्यो ।
बच्चा र आमा दुवैको अवस्था राम्रो रहेको र उनीहरूलाई नजिकैको अस्पतालमा लगिएको बताइएको छ।
(बीबीसीको सहयोगमा )
