काठमाडौँ। नेपाली बजारमा शुक्रबार पनि सुनको मूल्य बढेको छ । बिहीबार प्रतितोला ८९ हजार ४ सय रुपैयाँमा कारोबार भैरहेको छापावाला सुनको मूल्य शुक्रबार तोलामा ३ सयले बढेर ८९ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै तेजावी सुनको मूल्य प्रतितोला ८९ हजार २५० रुपैयाँ रहेको छ ।

यसैगरी आज चाँदीको मूल्य भने घटेको छ । शुक्रबार चाँदी तोलामा ५ रुपैयाँले घटेर १ हजार १८५ रुपैयाँमा कारोबार भैरहेको महासंघले जनाएको छ ।