काठमाडौँ। देशभर थप ३ हजार २६० जनामा कोरोना सङ्क्रमण पुष्टि भएको छ ।पछिल्लो म् ४ घण्टामा १० हजार ८०६ जनाको आरटी–पीसीआर विधिबाट परीक्षण गर्दा २ हजार ४७३ जना र ४ हजार ६५६ जनाको एन्टिजेन विधिबाट परीक्षण गर्दा ७ सय ८७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना भाइरस संक्रमितको कुल संख्या ७ लाख ९८ हजार ६५१ पुगेको छ ।

यस्तै पछिल्लो २४ घण्टामा देशभर २ हजार २९४ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ७७ हजार ३७७ पुगेको छ ।

यसैगरी पछिल्लो २४ घण्टामा थप ३२ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार २१२ पुगेको छ ।