काठमाडौँ। देशभर थप ३ हजार ४८१ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १० हजार ९०७ जनाको पीसीआर परीक्षण गर्दा २,६१६ र ५,७४९जनाको एन्टिजेन परीक्षणगर्दा ८६५ जना गरी जम्मा ३,४८१ जनामा संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ७ लाख ९५ हजार ३९१ पुगेको छ ।

यस्तै पछिल्लो २४ घण्टामा देशभर १ हजार ८८५ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ७५ हजार ८३ पुगेको छ ।

यसैगरी पछिल्लो २४ घण्टामा थप ३० संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार १८० पुगेको छ ।