काठमाडौँ। पछिल्लो समय नेपालमा कोरोना संक्रमितको संख्या दैनिक तीब्र रुपमा बढ्न थालेको छ । देशभर पछिल्लो २४ घण्टामा थप ४ हजार ९०४ जनामा कोरोना संक्रमण पुष्टि भएको छ । पछिल्लो २४ घण्टामा १३ हजार २१७ जनाको आरटी–पीसीआर विधिबाट परीक्षण गर्दा ३ हजार १९४ जना र ५ हजार ९०६ जनाको एन्टिजेन विधिबाट परीक्षण गर्दा १ हजार ७१० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना भाइरस संक्रमितको कुल संख्या ७ लाख ९१ हजार ९१० पुगेको छ ।

यस्तै पछिल्लो २४ घण्टामा देशभर २ हजार ११५ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ७३ हजार १९८ पुगेको छ ।

यसैगरी पछिल्लो २४ घण्टामा थप ३५ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार १५० पुगेको छ ।